History Teachers - Tirunelveli

களக்குடியான கரவந்தபுரம் எனப்பட்ட உக்கிரன்கோட்டை, பாண்டியரின் முக்கியமான கேந்திரமாக விளங்கியது. இந்த ஊரைச் சுற்றி பாண்டியரின் கோட்டையும் அதனுள் வணிகக் குடியிருப்பு, பிரமதேயக் குடியிருப்பு, படைப்பற்று முதலானவை அமைந்திருந்ததாக, சாசனங்கள் அறிவிக்கின்றன. இந்த கோட்டையைச் சுற்றிலும் பல கி.மீ சுற்றளவிற்கு அகழி இருந்துள்ளது. அது இப்போது சுருங்கி 1கி.மீ வரை மட்டுமே காணப்படுகிறது. கோட்டையின் உட்பகுதிகள் பின்னாளைய குடியேற்றங்களால் ஆக்கிரமிப்பு செய்யப்பட்டு நவீன காலக் கட்டிடங்கள் கட்டப்பட்டிருக்கின்றன. இங்கு பழமையான சிவாலயம் ஓன்று உள்ளது.முற்காலத்தில் இது மிகவும் பெருங்கோயிலாக இருந்திருக்க வேண்டும். இதன் தூண்கள், சிற்பங்கள் யாவும் வாள்வீச்சு ரஸ்தா ( முன்னாளைய படைப்பற்று) எனப்படும் மறவர் குடியிருப்பு பகுதிகளில் விரவிக் கிடக்கின்றன. அகழிக்குள் வந்து விழுந்தோடிய சிற்றாறு இப்போது தேங்கி கழிவுநீர்க் குட்டை போல உள்ளது.  11ம் நூற்றாண்டில் சோழருக்கடங்கி இங்கு பாண்டியரின் அரசு செயல்பட்டது எனும் தரவுகளும், சங்கரநயினார் கோயிலின் மூலக் கட்டிடப் பணிக்காக இந்த உக்கிரன்கோட்டையிலிருந்து மனிதச் சங்க...

யானைகள் மோதி கொள்வது, தென்காசி - கயத்தாறு மன்னர்கள் தங்களுக்குள் மோதி கொள்ளும் பங்காளி சண்டையை விவரிக்கும்  வகையில் இருக்கிறது. கிபி 1540 காலத்திய தென்னிந்திய வரை படம். 1. Territory of Tenkasi,  2. Vettum Perumal,  3. Marthanda Varma, Iniquitriberim, இவை விஜயநகர சாம்ராஜ்யத்தின் அங்கமல்லாத தனி தேசங்கள்.  போர்த்துகீசிய குறிப்புகளில் காணப்படும் "Iniquitriberim" என்பது வேனாடு மன்னர் "உன்னி கேரள வர்மாவை" குறிக்கும்.

ராஜராஜசோழன் காலத்தில் திருநெல்வேலி மாவட்டம் அம்பாசமுத்திரம்  அருகே கட்டப்பட்ட பழமையான சிவன் கோயில் அயன் திருவாலீஸ்வரத்தில் கடனா நதிக்கரையில் உள்ளது. தற்போது மத்திய தொல்லியல் துறை கட்டுப்பாட்டில் உள்ளது.  அருகில் பிரம்ம தேசத்தில் அமைந்துள்ள ஸ்ரீகைலாசநாதர் கோயிலும் ராஜராஜ காலத்தில் துவக்கப்பட்டதுதான்.   அதே பகுதியில் மன்னார்கோவில் ராஜகோபால சுவாமி கோயில் அதன் மூன்று அடுக்கு சன்னிதிகளில் மூலிகை ஓவியங்கள் அழகுற உள்ளன.